O Relevo Terrestre: Formas, Meteorización e Erosión

Clasificado en Geología

Escrito el 30 de Marzo de 2025 en gallego con un tamaño de 4,84 KB

Que é o Relevo Terrestre?

O relevo é o aspecto da superficie terrestre, prescindindo dos elementos bióticos.

As formas do relevo clasifícanse polo seu aspecto. Nesta clasificación utilízanse termos como:

Montaña: Relevo illado que ten un gran desnivel entre a súa base e a súa cima.
Outeiro: Relevo illado con escaso desnivel.
Desfiladeiro: Val de fondo estreito que presenta paredes abruptas aos seus lados.
Meseta: Relevo illado de cima plana.
Terrazas: Relevo graduado.

Na superficie terrestre poderíanse diferenciar dúas zonas principais:

Composta por basalto, forma as concas oceánicas e encóntrase cuberta por auga.

Chairas abisais: Extensísimas chairas submarinas cunha profundidade media de 4500 m.
Dorsais oceánicas: Aliñacións de volcáns cunha intensa actividade volcánica fisural.
Relevos volcánicos illados: Volcáns illados resultado dunha actividade volcánica concreta.
Fosas oceánicas: Regos alongados nos que se alcanzan enormes profundidades; son zonas de intensa actividade sísmica.
Arcos de illas: Cordilleiras volcánicas que emerxen do mar e forman arquipélagos; a súa actividade volcánica relaciónase co afundimento da codia que se produce nas fosas.

Constituída por granito e rochas metamórficas, é máis grosa e menos densa ca a oceánica.

Penechairas: Extensas chairas resultado da erosión producida polos axentes xeolóxicos.
Cordilleira: Aliñacións de montañas formadas por pregamento de materiais.
Rifts: Depresións alongadas formadas pola rotura, distensión e afundimento da codia continental ao longo de grandes fracturas.
Plataformas continentais: Parte da codia continental cuberta polo mar.
Noiros continentais: Representan os bordos dos continentes e abranguen as zonas en pendente situadas entre a plataforma continental e a codia oceánica.

A meteorización é a disgregación das rochas. Prodúcese de varias formas:

Consiste na rotura das rochas debido a tensións que poden orixinarse por distintos procesos:

Xelifracción: É a acción de cuña que realiza a auga ao conxelarse e ao aumentar de volume dentro das fendas das rochas.
Termoclastia: É a rotura das rochas expostas a unha intensa insolación, debido a que quecen e se dilatan máis no exterior ca no interior.
Descompresión: É a expansión e o agretamento que se produce en rochas que se formaron a gran profundidade, como o granito.

Consiste na disgregación das rochas debido á alteración química dos seus minerais. Pode ocorrer por:

Oxidación: O osíxeno do aire, ou o que hai disolto na auga, reacciona con algúns minerais, como a mica.
Disolución: Afecta os minerais que se disolven na auga, como carbonatos e cloruros.
Carbonatación: É a reacción que se produce nalgúns minerais, como a calcita, ao entrar en contacto con auga que leva CO2 en disolución.
Hidrólise: É a alteración dos minerais ao reaccionar cos ións H+ e OH- da auga.

Consiste na rotura ou alteración química das rochas debido á acción dos seres vivos.

Os axentes xeolóxicos erosionan o relevo e producen varios efectos sobre a superficie terrestre:

Evacuación de detritos: Que son os fragmentos de rocha ou clastos producidos pola meteorización e acumulados ao pé das escarpas.
Modelaxe de formas características: Durante a erosión, os axentes xeolóxicos tamén poden arrincar clastos das rochas, producindo unhas formas de relevo características.
Formación de penechairas: Son extensas superficies planas, resultado da erosión producida polos axentes xeolóxicos durante longos períodos.
Redistribución da masa dos continentes: A erosión, xunto co transporte dos sedimentos e o seu posterior depósito nas concas sedimentarias, redistribúe a masa continental.