Sare Topologiak: Eraztun eta Zuhaitz Sareen Ezaugarriak

Eraztun Sare Topologia

Sare-topologian, eraztun itxurako zirkuitu itxi batera konektatuta dauden terminalez osatutako sare-mota da, terminal nagusirik ez duena. Eraztun honek ez du muturrik (ez du linea-amaierakoen beharrik). Nodo bakoitzak errepikagailu bat bezala jokatzen du, datorkion informazioa irakurri eta dagokion nodora iritsi arte berriro bidaliz.

Eraztun Sare Topologiaren Ezaugarriak

• Aplikazioa: Ekipo guztien artean sarearen ahalmena berdintsu banatu behar denean erabiltzen da, baita abiadura handiko estazio gutxi konektatu behar direnean ere.
• Zailtasuna: Mezuen igorpena erraza da, norabide bakar batean doalako, eta beraz, estazio igorleak mezua jaso behar duen ekipoaren norabidea soilik behar du. Hardware aldetik nahiko korapilatsua da.
• Erantzuna: Trafikoa handia denean, sistemaren erantzuna nahiko egonkorra da. Itxarote-denbora ia ez da aldatzen nodo berriak konektatzean.
• Fidagarritasuna: Estazio baten hutsak sistema osoa gelditzea ekar dezake.
• Zabalpena: Sistemaren zabalpena oso erraza izaten da topologia honetan.

Eraztun Sare Topologiaren Abantailak

• Kablearen luzera oso txikia da.
• Nodo bakoitza errepikagailu bat da, bere barnetik doan seinalea anplifikatzen baitu; honen ondorioz, distantzia luzeetarako erabil daiteke.
• Topologia honetako sare gehienetan mezuak norabide berdinean joaten dira; beste batzuetan bi norabideetan izaten da. Horietan, sarea bi nodoen artean ebakitzean, eraztun-topologia galtzen du eta mezua beste norabidetik helmugara iristen da.

Eraztun Sare Topologiaren Desabantailak

• Sarearen fidagarritasuna errepikagailuen menpe dago.
• Nodo bat matxuratzen bada, sarea matxuratzen da.
• Arazoen azterketa zaila izaten da.
• Sare mota honetan aldaketak eta konfigurazio berriak besteetan baino zailagoak dira, mezuen igorpena galarazten delako.

Zuhaitz Sare Topologia

Zuhaitz-sareak, sare-topologian, bi izar-sare edo gehiagoren konbinazioz sortutako sarea da, zuhaitz adarkatuaren itxura duena. Izar-sare bakoitza sare lokal bat da, eta terminal guztiak terminal nagusira konektatzen dira; gainera, izar-sare bakoitzeko ordenagailu nagusia bus izeneko hari nagusira konektatzen da. Beraz, zuhaitz-sarea izar-sarez osatutako bus-sarea da. Besteak beste, campusetan erabiltzen da. "Izar banatua" ere deitzen zaio. Zuhaitzaren adar kopuruak muga bat du, mezuen igorpen-abiaduraren araberakoa.

Zuhaitz Sare Topologiaren Abantailak

• Zabaltzeko erraza da.
• Erroreen identifikazioa eta isolamendua errazten ditu.

Zuhaitz Sare Topologiaren Desabantailak

• Sistema osoaren funtzionamendua adar nagusiaren menpe dago. Honek huts egiten badu, sare osoa gelditzen da.