O Sector Terciario en España e na UE: Comercio e Turismo

O sector terciario proporciona máis do 71% do valor total da produción e unha porcentaxe similar do emprego. Os servizos públicos, o comercio e os servizos a empresas constitúen as actividades máis relevantes. Non obstante, os servizos relacionados coas tecnoloxías da información e as comunicacións son os que experimentaron un maior crecemento nos últimos 25 anos.

Por países, existe unha certa especialización:

• Irlanda e Luxemburgo destacan polos servizos informáticos.
• O Reino Unido sobresae en servizos financeiros.
• España, Italia e Grecia son líderes en servizos turísticos.

A unión aduaneira foi un dos primeiros fitos clave da UE. Con ela, os bens e os capitais dos países membros circulan libremente no territorio.

É o máis importante en España e o que experimentou un maior desenvolvemento nas últimas décadas, representando arredor do 70% do PIB e do emprego.

Madrid é a Comunidade onde o peso deste sector é maior, seguida de Cataluña, Andalucía e a Comunidade Valenciana.

O 99% das empresas do sector son pequenas. As grandes empresas xeran o 30% do negocio e empregan a case a cuarta parte dos traballadores do sector.

O comercio, os servizos relacionados co transporte e os servizos a empresas son os que proporcionan un maior volume de negocio e os que ocupan máis poboación. O turismo e as tecnoloxías da información e comunicación son os que máis medran.

O comercio supón o 70% do negocio total dos servizos de mercado e é a actividade que proporciona máis emprego.

No comercio interior, as pequenas tendas perderon importancia ante as grandes superficies e o comercio electrónico tivo un gran crecemento. No comercio exterior, aumentou a exportación de mercadorías, alimentos e bebidas e os automóbiles. As importacións foron máis cuantiosas e por iso a balanza comercial española é negativa.

A gran maioría dos intercambios comerciais realízanse con países da UE, fundamentalmente con:

• Alemaña
• Francia
• Italia
• Portugal
• Reino Unido

Fóra do ámbito comunitario están Estados Unidos, China e Rusia.

España é a segunda potencia turística no mundo en número de visitantes e de ingresos procedentes do turismo. Achega arredor do 10,5% do PIB e dá emprego a un 12% da poboación activa. Moitos dos postos de traballo son estacionais e unha porcentaxe importante dos empregos son ocupados por inmigrantes estranxeiros.

Os principais factores que favorecen o turismo son:

• O clima e as boas praias.
• A riqueza cultural.
• Bos medios e infraestruturas de transporte.
• Unha variada oferta de aloxamentos.
• Servizos sociais de calidade.

A gran maioría fai turismo dentro do territorio estatal. Estes desprazamentos supuxeron o 93% de todas as viaxes realizadas no 2008.

En 2009, máis de 52 millóns de turistas estranxeiros visitaron España. Case o 60% deles chegaron de Reino Unido, Alemaña e Francia. Os lugares elixidos son Cataluña, Illas Baleares, Canarias, Andalucía, a Comunidade Valenciana e Madrid.