Sociedade e Cultura: Lingua, Relixión e Clases

Sociedade e Cultura

Sociedade

Sociedade: Grupo organizado de persoas que comparten unha parte xeográfica da terra, dependen unhas das outras e teñen que cumprir unhas normas de convivencia xerais.

Entre os elementos dunha sociedade, destacan:

• A lingua como sistema de comunicación.
• Organización económica (traballo, tipo de propiedade, produción, distribución, etc.).
• Modo de organizar o poder político.

Cultura

Cultura: Estilo de vida dunha sociedade referida á forma de vivir, pensar, actuar, sentir. Na cultura inflúe: a lingua, a relixión, a forma de vestir, de relacionarse, de traballar, costumes familiares, etc.

Clasificación da cultura

• Desde o punto de vista da súa evolución:
  • Estáticas: Non trocan de hábitos e costumes durante varias xeracións.
• Segundo a importancia dos sectores produtivos:
  • Tradicionais: Predomina o sector agrario (sector primario). Exemplo: sociedades africanas.
  • Industriais: Predomina o sector industrial (sector secundario) e o sector de servizos (sector terciario).
• Polo seu desenvolvemento económico:
  • Subdesenvolvidas: Teñen pouca industria e poucos servizos. Exemplo: países africanos.
  • Desenvolvidas: Teñen industria e tecnoloxía. Exemplo: Francia.

Áreas culturais do mundo

• Área occidental: Predominan as relixións cristiás: protestante, no centro e norte de Europa, Australia e EE. UU.; católica, sur de Europa e estendida por varios países; e ortodoxa, polo leste de Europa. As linguas dominantes son: francés, inglés, ruso e español.
• Área oriental: Comprende a China, India, Xapón e Sueste asiático. Predominan as relixións hinduísta, budista e musulmá. As linguas máis faladas son: chinés-mandarín, indonesio, hindú, tai, vietnamita, etc.
• América latina: Predominan a relixión cristiá-católica e as linguas española e portuguesa.
• Área ártica: Predominan tribos coma os lapóns e esquimós que teñen relixións e linguas propias. Esténdense polo Polo norte de Europa e América.
• Área do Islam: Norte de África e suroeste de Asia. Predomina a lingua árabe e a relixión islámica.
• Área africana: Predominan relixións politeístas e as tribos teñen linguas propias.
• Área da Polinesia: Linguas propias e distintas relixións. Esténdense polo continente oceánico.

Lingua e relixión

A lingua é o principal vehículo de comunicación entre as persoas e serve para que un individuo se identifique co grupo, país, estado, etc. ao que pertence. Hai países que teñen máis dunha lingua como é o caso do Estado Español: español, galego, catalán e éuscaro.

A relixión é unha forma de entender a vida, a morte, as formas de relación entre os individuos dunha comunidade e unhas normas de convivencia. Hai persoas que dubidan da existencia dun ser superior (agnósticos) e outros que non cren en nada superior (ateos). As relixións máis antigas son as animistas que cren nos fenómenos naturais. Practícanas tribos africanas e americanas.

Clases sociais

Nos países industrializados e desenvolvidos:

• Clase alta: Constitúena a xente con máis recursos económicos que gozan de riqueza e poder, viven en zonas residenciais, posúen en xeral máis dunha vivenda e corresponde en xeral a: executivos de empresa, altos cargos políticos, banqueiros, donos de grandes empresas, deportistas e artistas de elite, aristocracia, etc.
• Clase media: Fórmana xente que ten uns recursos económicos que lle permiten vivir ben pero sen facer grandes excesos económicos, viven xeralmente en pisos ou en zonas residenciais normais e corresponde a: médicos de familia, pequenos comerciantes, traballadores cualificados, ensinantes, etc.
• Clase obreira-baixa: Fórmana obreiros sen cualificar, traballadores de pequenos talleres e persoas cunha situación laboral inestable, viven xeralmente en barrios afastados do centro da cidade en bloques de moitas vivendas moitas veces de alugueiro.
• Clase marxinal: Formada por persoas en situación de paro e pobreza que sobreviven moitas veces dedicándose ao tráfico de droga, á prostitución e á delincuencia.

O traballo

Unha das características hoxe con respecto ao mundo do traballo é a incorporación da muller ao mundo laboral fóra da casa, o que fai que as tarefas domésticas, antes femininas, hoxe se repartan entre o home e a muller. Isto provoca que nos países desenvolvidos aumente o número de garderías e residencias da terceira idade.