Suplikazio, Kasazio eta Kexa Errekurtsoak Lan Jurisdikzioan

Suplikazio-errekurtsoa

Gizarte arloko epaitegiek emandako epaien aurka, Justizia Auzitegi Nagusiaren (JAN) aurrean aurkezten da.

Ezin dira ebazpen guztiak inpugnatu, bakarrik:

• Epaiak: Ez guztiak (adibidez, oporrei buruzkoak ezin dira errekurritu suplikazio bidez).
• Autoak (hiru kasu zehatzetan):
  1. Epaileak eskumenik ez duela dioen ebazpenaren aurka jarritako berraztertze-errekurtsoa ebazten duen autoa.
  2. Inhibizio-errekerimendua ezetsi dela adierazten duena, baldin eta gai horretan suplikazio-errekurtsoa tarteka badaiteke.
  3. Epaia betearazteko prozesuetan tartekatutako berraztertze-errekurtsoa ebazten dutenak, baldin eta betearazi beharreko epaia suplikazio bidez errekurritu badaiteke eta autoak prozesuan erabaki gabeko puntuak ebazten baditu.

Ezin dira errekurtso honetan judizioan aipatu ez diren gaiak alegatu.

Errekurtso honen helburuak hauek izan daitezke:

• Prozedura arau-haustea gertatu den unera itzultzea, batez ere defentsa-gabezia eragin badu.
• Frogen azterketa berria eskatzea, balorazio eguneratu bat egiteko.
• Aplikatu beharreko arauen eta jurisprudentziaren urraketak aztertzea eskatzea.

Kasazio-errekurtsoa

Justizia Auzitegi Nagusiak (JAN) eta Auzitegi Nazionalak (AN) instantzian emandako epaien aurka, Auzitegi Gorenaren (AG) IV. Salaren aurrean aurkezten da.

Beraz, errekurritu daitezke:

• Epaiak: JANek eta ANk instantzian emandakoak.
• Autoak: Suplikazio-errekurtsoa ebazten duen autoa, gaia dela-eta eskumenik eza ebazten duenean.

Errekurtsoaren zioak (Lan Arloko Prozeduraren Legearen 205. art.):

• Jurisdikzioa neurriz kanpo erabiltzea.
• Prozedura desegokia edo eskumenik eza.
• Judizioko funtsezko formak haustea (defentsa-gabezia eragiten badute).
• Frogen balorazioan akats nabarmenak egotea (agiri edo peritu-froga oker interpretatzeagatik).
• Ordenamendu juridikoa edo jurisprudentzia urratzea.

Behin errekurtsoa iragarrita, izapidetzea suplikazio-errekurtsoaren antzekoa izango da.

Suplikazio eta Kasazio Errekurtsoen Arau Amankomunak

• Abokatuaren parte-hartzea nahitaezkoa da (izan daiteke ofiziozkoa, doako justiziarako eskubidea badu, edo konfiantzazkoa).
• Errekurtsogileak (langilea edo Gizarte Segurantzaren onuraduna ez bada, edo doako justizia aitortua ez badu) gordailua eratu beharko du errekurtsoa jartzeko. Eratu ezean, errekurtsoa ez da onartuko.
  • Suplikazioa: 150 €
  • Kasazioa: 300 €
• Epaian demandatua ordaintzera kondenatu bada, zenbatekoa kontsignatu beharko du errekurtsoa izapidetzeko onartua izateko (salbuespenak badaude).

Doktrina Bateratzeko Kasazio Errekurtsoa

• Helburua: Jurisprudentzia bateratzea da, hau da, egoera berdinen aurrean epai kontrajarriak daudenean irizpide bakarra finkatzea.
• Baldintza: Beharrezkoa da errekurritutako epaiaren (JANekoa) kontraesanean dagoen beste epai bat egotea (konparaziozko epaia). Epai hori JAN beraren beste sala batekoa, beste JAN batekoa edo Auzitegi Gorenarena izan daiteke, eta irmoa izan behar du.
• Zioa: Errekurritutako epaiak legea urratu izana.
• Errekurritu daitezkeen epaiak: Justizia Auzitegi Nagusiek suplikazio-errekurtsoak ebaztean emandakoak.
• Berdintasuna: Bi epaietan alderdiak berdinak ez badira ere, funtsezko berdintasuna egon behar da egitate, oinarri eta pretentsioen artean.
• Aurkezpena: Alderdiek edo Ministerio Fiskalak aurkeztu behar dute, epaia eman zuen organoaren aurrean, jakinarazpena egin eta 10 eguneko epean.
• Auzitegi Gorenaren Ebazpena: Onartzen badu:
  • Adieraz dezake JANen epaiak legea urratzen duela eta deuseztatu egingo du.
  • JANen lekuan jarrita, suplikazio-errekurtsoa ebatziko du, doktrina zuzena aplikatuz.
  • Halaber, gordailuen, kontsignazioen edo isunen inguruan erabakiko du.
  • Oharra: Errekurtsoaren ebazpenak ez du eraginik izango konparaziorako erabilitako epaian.

Kexa Errekurtsoa

• Errekurtso nagusien (suplikazioa, kasazioa) onarpenari lotutako errekurtso instrumentala da.
• Demagun suplikazio edo kasazio bidez errekurritu daitekeen ebazpen bat dugula. Errekurtso horiek ebazpena eman zuen organoaren aurrean iragartzen dira, eta organo horrek auto bidez erabakitzen du errekurtsoa tramitera onartu ala ez.
• Auto horrekin ados ez bagaude (errekurtsoa ez onartzeagatik), kexa-errekurtsoa aurkez dezakegu goragoko organoaren aurrean (JANen aurrean suplikazioa ez bada onartu, AGren aurrean kasazioa ez bada onartu).