Telebista Digitala: Baliabide Teknikoak (Galdeketa 01)

Telebista Digitala: Baliabide Teknikoak

Galdeketa 01

1. Telebista analogikoak digitalarekin konparatuta 10 aldiz banda zabalagoa erabiltzen du.
2. Hiru ezaugarri dira telebista digitala neurri onargarrietan igortzeko aukera ematen dutenak:
   • Krominantzia murrizketa,
   • Konpresio teknikak,
   • Espektroa erabiltzeko modu efizientea.
3. Kanal analogiko bakar batek okupatzen duen banda zabaleran lau “programa” digital baino gehiago sar daitezke.
4. Igortze digitalaren espektroaren erabilera efizienteaz gain, beste abantaila batzuk ditu:
   • Irudiaren kalitatea,
   • Seinale/zarata erlazio baxua,
   • Interferentzia eza.
5. Telebistaren igorpen digitalaren prozesua audio eta bideo seinaleen bihurketa analogiko-digitalarekin hasten da. Honek emandako biten segida konprimitu eta kodetu egiten da MPEG kodifikatzailea erabiliz.
6. Telebistaren igorpen digitalaren prozesuan, programa-fluxuen (program stream, PS) deritzon datu-paketeen segida aterako da. Pakete hauek hainbat programa ezberdinenak dira eta multiplexadorean sartzen dira garraio-fluxu bakar bat osatzeko (transport stream, TS).
7. Multiplexadorean sartutako datuen fluxua kanal analogikoaren bandaren barruan kokatzen da, uhin garraiatzaile pila modulatuz.
8. Nazioarteko Telekomunikazio Elkarteak (ITU) 1982. urtean CCIR 601 arauak eskaintzen ditu, bideo analogiko elkargurutzatua behar bezala digitalizatzeko estandarra.
9. Ordura arteko sistema aniztasuna gainditu nahian, formatu digital berberak 525 lerro/60 Hz (NTSC) eta 625 lerro/50 Hz (PAL eta SECAM) dituzten sistementzat balio du.
10. PAL, SECAM eta NTSC sistemek Y, B-Y eta R-Y seinaleak erabiltzen dituztenez, CCIR 601 arauak bananduta digitalizatzen ditu hiru osagaiak, hiru datu-fluxu desberdinetan bihurtuz.
11. Honi esker, krominantziako bi osagaiak “azpilagintzeko” aukera dago, gure kolore-bereizmen baxuagoa aprobetxatuz.
12. Bideo-seinaleak digitalizatzeko, berauen edukia koadroz koadro eta lerroz lerro lagindu behar da.
13. Bideo-seinaleak digitalizatzeko, bideo-lerroen tarte aktiboak bakarrik hartzen dira kontuan, ezabatze tarteak eta sinkronismoak alde batera utzita.
14. Bideo-seinaleak digitalizatzeko, behar den laginketa-frekuentzia aukeratzerakoan, oinarrizko irizpide bat Nyquist-en teorema da.
15. Nyquist-en teoremaren arabera, laginketaren abiadura seinale analogikoaren frekuentzia altuenaren bikoitza izan behar du gutxienez.
16. Bideo-seinale analogikoa 6 MHz-ko banda izatera irits daitekeenez, bere laginketa-frekuentzia ez litzateke 12 MHz baino baxuagoa izan beharko.
17. Bideo-seinaleak digitalizatzeko, laginketa-frekuentzia PAL/SECAM eta NTSC lerro-frekuentzien zatigarria izatea bilatzen da (15,625 kHz eta 15,734 kHz hurrenez hurren).
18. CCIR 601 arauak 13,5 MHz-ko laginketa-abiadura gomendatzen du luminantzia-seinalearentzat, honek baitauzka frekuentzia altuenak.
19. Arlo digitalean Cr eta Cb bezala ezagutzen diren kolore-diferentzia seinaleentzat, CCIR 601 arauaren arabera, luminantziaren laginketa-abiadura erdia nahikoa dela dio (6,75 MHz).
20. Frekuentzia hauek luminantziaren 720 lagin sortzen dituzte lerro bakoitzeko eta kolore-diferentzia bakoitzaren 360 lagin.
21. Laginketa egitura hau YCbCr 4:2:2 aipamenaz izendatzen da.