Token Ring Sareak: Funtzionamendua, Mantentzea, Abantailak eta Desabantailak

Frame-aren Egitura

• Sarrera: Gutxienez sinkronizazio byte bat dauka.
• Hasierako mugatzailea: Frame baten hasiera adierazten du.
• Frame-mota: Datu-frameak eta kontrol-frameak desberdintzeko erabiltzen da.
• Helmugaren helbidea.
• Jatorriaren helbidea.
• Datuak.
• FCS: Cyclic Redundancy Check (CRC) metodoa erabiliz erroreak detektatzeko.
• Amaierako mugatzailea: Frame baten amaiera adierazten du.

Eraztunaren Mantentzea eta Funtzionamendua

Estazio Berriak Sartzea

Periodikoki, token-a duen estazioak, beste bati pasatu baino lehenago, frame bat bidaltzen du, estazio berriei eraztunean sartzeko baimena emanez.

Estazioak Ezabatzea

Estazio bat eraztunetik joateko, token-a eduki behar du. Token-a duenean, aurrekoari frame bat bidaltzen dio datu-eremuan hurrengo estazioa jarriz. Azkenik, token-a bidaltzen du.

Eraztuna Hasieran Jartzea

Estazio bat martxan jartzen denean, "entzuten" jartzen da. Ez badago mugimendurik, token-a eskatzen du.

Akatsen Azterketa

• Token-a duen estazioak akats bat dauka: Estazio bakoitzak, sarean frame baliodun bat agertzen denean zeroan jartzen duen erloju bat dauka. Erloju honek balio finko bat gainditzen badu, estazioak "CLAIM_TOKEN" bat sortzen du, eraztuna hasierako baldintzetan jarriz.
• Token ugaritasuna: Estazio batek token-a duenean, eta beste baten igorpena "entzuten" badu, beste estazioak token-a duela pentsatzen du, bere token-a utzi eta beste token bat heldu arte "entzuten" geratzen da.

Abantailak

• Lehentasun desberdineko mezuak igorri daitezke.
• Lehentasun handiena duen mezu batek behar duen denbora maximoa aldez aurretik jakitea ahalbideratzen du teknika honek.
• Frame-ak Ethernetekoak baino luzeagoak izan daitezke.
• Errendimendua oso altua da, "trafiko" handiko sareetan.
• Sarearen kontrola banatua da, fidagarriagoa da.

Desabantailak

• Sarearen nodoak oso konplexuak dira, token-aren bidaia hasi eta mantendu behar dutelako, token-a galdu bada jakin, eta abar.
• Mezuak batetik bestera pasatzeko denbora, nodo kopuruaren menpekoa da, eta ez horrenbeste zer edo zer duten bidaltzeko.
• Banda-zabalean funtzionatzen duten sareek ekipo garestiak behar dituzte.