Tumoreen Sailkapena: Graduak, TNM eta Estadioak

Tumoreen Sailkapena

Neoplasia gaizto baten pronostiko eta tratamendua zehazteko ezinbestekoa da diferentziazio zelularra (morfologia) eta hedapena ezagutzea. Horretarako eskalak erabiltzen dira: Graduak, TNM sistema eta Estadioak.

Tumorearen Graduak

Neoplasiaren graduak zelulak biopsia baten ondoren histologikoki aztertzean zehazten dira:

• 1. Gradua: Ongi diferentziatutako zelulak

  Zelula hauek zelula normalen antzekotasun handia dute. Motel hazten dira eta diseminatzeko probabilitate txikiagoa dute. Pronostiko hobea dute eta tratamenduari hobeto erantzuten diote.

• 2. Gradua: Diferentziazio moderatua

  Kasu honetan, zelula kantzerosoek normalekin ezaugarriak partekatzen dituzte, baina ezberdintasunak ere badituzte. Tarteko portaera izango dute, bai hazteari bai diseminazioari dagokienez.

• 3. Gradua: Gutxi diferentziatuak

  Minbizi-zelulek ia ez dute jatorrizko ehunaren zelula normalen antzik. Minbizi-zelulak oso anormalak dira eta azkar eta kontrolik gabe hazi eta bana daitezke.

• 4. Gradua: Diferentziatu gabeak

  Minbizi-zelulek ez dute antzekotasunik jatorrizko ehunaren zelula normalekin. Tumorearen portaera oso oldarkorrarekin lotuta dago.

TNM Sistema

Hedapena zehazteko erabiltzen den eskala da, eta sistema erabiliena da. Hiru letrek osatzen dute:

• T letrak: Jatorrizko tumorea (primarioa)

  Minbizia gorputzean zenbat eta norantz hedatu den zehazteko, medikuek lehenbizi tumore nagusia edo primarioa aztertzen dute, minbizia non sortu den adierazten duena.

• N letrak: Inguruko gongoil linfatikoak

  Minbizia inguruko gongoil (edo ganglio) linfatikoetara hedatu den adierazten du. Tumore primariotik hurbil dauden linfa-gongoilak, oro har, aztertu egiten dira minbizia haiengana hedatu den zehazteko.

• M letrak: Metastasia

  Minbizia gorputzeko beste atal batzuetara zabaldu den (metastasia egin badu) zehazten du. Medikuek gorputzeko beste atal batzuk ere azter ditzakete, minbizia hedatu den ikusteko.

Minbiziaren Estadioak

TNM sistemak minbizia nahiko xehetasunez deskribatzen du, eta hori egin ondoren, minbizia 5 estadio orokorretan sailkatzen da (0, I, II, III, IV):

• 0. estadioa: Kartzinoma in situ dagoela esan nahi du.
• I, II, III. estadioak: Tarteko aukerak deskribatzen dira, tumorearen tamainaren eta hedapenaren arabera.
• IV. estadioa: Metastasia dagoela adierazten du.