Zientzia, Higienea eta Elikagaien Kontserbazio Teknikak

Zientziaren Aplikazioak Eguneroko Bizitzan

Zientziaren aplikazioak hainbat arlotan aurkitzen ditugu:

• Elikagaien industria
• Nekazaritza
• Giza osasuna eta animalien osasuna
• Industria farmazeutikoa eta kosmetika industria

Adibidez: zapatillak, segurtasuna, edo gaixotasunak saihestea.

Higienea eta Oinarrizko Prozedurak

Higienea osasunaren kalterako izan daitezkeen eragileak kontrolatzeko ezagutza, teknika eta jokabideen multzoa da.

Oinarrizko Prozedurak

Higienearen oinarrizko prozedurak hauek dira:

1. Garbiketa: Gainazal bateko zikinkeria kentzen da. Erratzak, aspiradorak eta trapuak erabiltzen dira azalerak garbitzeko, baita ura eta xaboia ere.
2. Desinfekzioa: Mikrobioak ahalik eta neurri handienean ezabatzeko praktika-multzoa da, batik bat gaixotasunak sortzen dituzten haiek. Adibidez, zaurien gainean iodoa erabiltzea.
3. Esterilizazioa: Mikrobioen arriskua erabat desagertzeko, objektuen esterilizazioa egin behar da (160-200 °C).

Higienea Laborategian

Beirazko Materiala Garbitzeko Prozedura

Garbiketa oso garrantzitsua da, bestela emaitzak ez direlako fidagarriak izango. Garbitzeko pausu hauek jarraitu behar dira:

1. Espatula edo paper batekin posible den zikinkeria kendu.
2. Eskobila, xaboi eta urarekin garbitu.
3. Ur destilatuarekin garbitu.

Esterilizazio Metodoak

Esterilizazioa hainbat modutan egin daiteke:

• Beroa: Mikroorganismoak desegin egiten dira beroaren bidez.
  • Bero lehorra: 170-178 °C-ko tenperaturan dauden estufetan bi orduz edukitzean datza.
  • Bero hezea: Autoklabean deritzon ekipoan burutzen da, 100 °C-tik gorako tenperaturan.

Elikagaiak Kontserbatzeko Teknikak

Hotzaren Bidezko Kontserbazioa

• Hozketa: Elikagaiak 2 eta 8 °C bitarteko tenperaturetan edukitzen dira, izoztu gabe.
• Izozketa: 0 °C-tik azpitiko tenperaturak aplikatzen dira, normalean -18 °C. Elikagaiak daukan uraren parte bat izotz bihurtzen da.
• Ultraizozketa: Elikagaien izozketa oso azkarra ematen da tenperatura oso baxuetan (-40 °C). Ondoren, izozketa tenperatura normaletan (-18 °C) mantendu daiteke.

Beroaren Bidezko Kontserbazioa

• Pasteurizazioa: (80 °C inguruko tenperaturan) gaitzak eta germenak suntsitzen dira.
• Irakinaldia: (100 °C) germenak suntsitzen dira, baina esporak ez dira desagertzen.
• Esterilizazioa: (120 °C inguru) kontserban edo latetan dauden elikagaiei tenperatura altuak aplikatzen zaizkie.

Elikagai Gehigarriak

Elikagai gehigarriak edariei eta elikagaiei gehitzen zaizkien substantziak dira.

• Gatza: Mikroorganismoen hazkundea eragozten du, batez ere arrain eta haragian.
• Azukrea: Mikroorganismoak garatzea galarazten du. Frutetan erabiltzen da.
• Ozpina: Azidoaren ondorioz mikroorganismoen hazkundea galarazten du.
• Gehigarri kimiko artifizialak: Kontserbagarri eta egonkortzaileak. Haragian eta beste produktu batzuetan erabiltzen dira.