Anamariá y Hosedolóre: Leyenda Guaraní de Amor, Sacrificio y Esperanza
Clasificado en Inglés
Escrito el en 
español con un tamaño de 2,38 KB
Anamariá y Hosedolóre
ANAMARIÁ omboguejy iñakã árigua ha oguapy opyty’u.
Pyharevete oñembisó ramo hina, oñandúma voi kuri.
Jepevénte upéicha, nde’íri kuri mba’eve Hosedolórepe. Maerã piko oipy’apy reíta ichupe, takeko ha’e naiko’ẽ porãi kuri aveí.
Oñe’ẽ ramo chupe, o jeahy’o py karãinteva. Tẽra katu oñemonge. Ndaha’evei ku ymaguaréicha oguapýmiva opita ha oñomongeta hendive.
—Rehechápa amóva—he’ími Hosedolóre—, upéva ha’e ñane mba’e, ñande rekove ohesapéva. Jajuejaha ára, ogue vaerã.
Sapy’ánte katu, opurahéi chupe "Emilianore". Ha ku omongeasy jave hipa chupe, ojeréva ohetữ ipyti’a, ijajuraguy, inambi kupe...
Ko’ágã imandu’ávo, Anamariá ndoikuaa porãi pe oñandúvapa angapyhy tẽrapa temimbyasy. Amo ipy’a ruguápe osó vaicha...
Opu’ãsẽ oñani hupytývo, hákatu mba’é nipo ojehu ichupe. Ndikatui omomyi ijyva, hatãmba chugui hetyma.
Ike peguáicha ohasa hesa renondé rupi hekovekue. Ojecha imitakuña’í ramo guare, oikuaá ypý ramo guare Hosedolórepe. Iñepyrữrã ohechámi chupe escuela rapére. Ha peteĩ jevy oipytyvõ chupe ohasávo y no’ongue, oky guasu rice.
Peteĩ árape oha’arõ Hosedolórepe haimete ka’aru pytữ meve. Ha ndojekuaái. Ndoúimarõ osẽ oho ha’eño. Py’a túky-túky mante anga omoirữ chupe tapére.
Upe guive ndohechavei chupe. Are riréntema oikuaá itúva omondo hague chupe omba’apóvo itióndi Paraguarípe.
Ojoapykuéri ohasa ha ohasáva ára ha ko’ýte ikangy kangyve mandu’a oguerekóva hese Anamariá.
Anamariá o jepoka poká jepi, oñembesu’u ha oñeha’ã ombohasa pe mba’e rasyete hambeypy ojpýva.
Peteĩ aretépe, pyhareve asaje, oĩ hina Huanapabla rógape. Ikakuaá irungue, hembiayhu porã upe Huanapabla.
Ha péichante niko, oiko pe oñeimo’ã’ỹ vaerã. Oguãhẽmí ohóvo Huanapabla kyvýndi... ¡Hosedolóre! Ohechávo oikuaá.
Anamariá opytánte okẽme oryryi osusữ, oñeha’ã opáicha ipy’aguapymi haguã. Oñemo’aguĩ aguĩvevo hikuai ohechakuaá, umi Hosedolóre resa tatapỹicha hendyha hese.
Anamariágui omondoho imandu’a pe temimbyasy ojokapáva hete.
Imandu’a omendáramo guare. Mokõivéva, ha’e ha Hosedolóre, oñokuãre karai Hue renondépe.