Contratos de Traballo Temporais: Tipos, Duración e Indemnizacións

Contrato Eventual por Circunstancias da Produción

• Concepto

  Ten por obxecto atender as esixencias circunstanciais do mercado, acumulación de pedidos ou de tarefas, aínda tratándose de actividade normal da empresa.

• Forma

  Debe celebrarse por escrito, identificando claramente a circunstancia que o xustifica (ex: temporada alta). Cabe celebralo verbalmente cando a súa duración non supere as catro semanas e non sexa a tempo parcial.

• Duración

  Máximo seis meses dentro dun período de doce meses. Por convenio colectivo poderá ampliarse este prazo de referencia ata os 18 meses, tendo o contrato unha duración máxima das ¾ partes do dito período, que nunca superará os doce meses de duración.

• Denuncia

  Avisarase á outra parte de que o contrato vai rematar (por ambas partes). Se o contrato tivese unha duración de doce meses, o empresario avisaría o traballador cunha antelación de 15 días.

• Indemnización

  Ao remate do contrato, o traballador terá dereito a percibir unha indemnización de 12 días por ano traballado.

Contrato por Obra ou Servizo Determinado

• Concepto

  Ten por obxecto a realización de obras ou prestación de servizos que teñen autonomía e substantividade propia da actividade da empresa e cuxa duración, aínda que limitada no tempo, é de duración incerta.

• Forma

  Debe concertarse por escrito, identificando con claridade a obra ou o servizo que se vai a realizar.

• Duración

  Será o tempo esixido para a realización da obra, cun máximo de tres anos.

• Denuncia

  O empresario avisará cun mínimo de 15 días.

• Indemnización

  12 días por ano traballado.

Contrato por Interinidade

• Concepto

  Ten por obxecto a contratación dun traballador que substitúe a outro que ten dereito á reserva do seu posto de traballo ou para cubrir temporalmente un posto durante un proceso de selección para a súa cobertura definitiva.

• Forma

  Terá que celebrarse de forma escrita, identificando o traballador substituído e a causa da substitución.

• Duración

  Mentres dura a reserva de posto de traballo do substituído. Se se trata de cubrir un posto durante o tempo de selección, a duración máxima será de 3 meses.

• Indemnización

  Non hai dereito a ela, salvo que por algunha reforma laboral se impoña.