O Poder da Propaganda na Historia: Ferramentas e Impacto na Comunicación Política

A Propaganda Radiofónica en Portugal

Durante o réxime de António de Oliveira Salazar, no Estado Novo (1933-1974), a radio foi unha ferramenta clave da propaganda en Portugal.

Características Principais da Propaganda Radiofónica

• O réxime utilizou a radio para controlar a narrativa oficial e espallar os valores nacionalistas, tradicionalistas e católicos.
• A Emissora Nacional foi fundada en 1935 e foi o medio principal controlado polo Estado.
• O contido da radio estaba censurado e supervisado, buscando exaltar a figura de Salazar como salvador da nación.
• Difundíanse discursos, música patriótica, programas culturais e relixiosos.

Obxectivos da Radiofonía Salazariana

• Promover a imaxe de António de Oliveira Salazar.
• Contrarrestar as ideas democráticas, comunistas e liberais.

O Uso Propagandístico do Avión na Alemaña Nazi

Na Alemaña Nazi, o avión tivo un papel moi importante dentro da propaganda, especialmente coa figura de Adolf Hitler.

Este usaba o avión persoalmente para viaxar por Alemaña durante as campañas electorais, algo moi innovador para a época. Isto tamén lle permitía facer ata cinco discursos ao día en diferentes cidades, proxectando unha imaxe de líder.

Esta táctica foi parte da campaña “Hitler über Deutschland” (Hitler sobre Alemaña), organizada por Joseph Goebbels, ministro de Propaganda.

Estas viaxes en avión foron filmadas e reproducidas nas noticias e filmes propagandísticos.

A Arte como Ferramenta de Propaganda: Análise de Cadros Emblemáticos

A Coroación de Napoleón (Jacques-Louis David)

A Consagración do Emperador Napoleón I e a Coroación da Emperatriz Xosefina na Catedral de Notre Dame de París, o 2 de decembro de 1804 (coñecida como A Coroación de Napoleón) é unha pintura de Jacques-Louis David realizada entre 1805 e 1807. Fixo este cadro por encargo do propio Napoleón, xa que el era o seu pintor oficial.

Nela móstrase a Napoleón coroando a súa esposa, a emperatriz Xosefina, e non o Papa como se esperaba, subliñando así a súa autoridade sobre a Igrexa.

A pintura foi feita para lexitimar o seu poder imperial, presentándoo como herdeiro dos emperadores romanos. O ambiente é maxestoso, con moitos detalles dourados e personaxes vestidos con traxes luxosos. A presenza do Papa na escena, como espectador, transmite que Napoleón estaba por riba da Igrexa.

O Guernica (Pablo Picasso)

Esta obra foi pintada por Pablo Picasso en 1937 e nela se expresa o bombardeo da cidade vasca de Guernica por parte da aviación nazi e fascista durante a Guerra Civil Española, ao servizo de Franco.

A súa mensaxe propagandística é denunciar o horror da guerra e o sufrimento civil. Aínda que non é propaganda oficial, senón contrapropaganda, xa que é un grito artístico de denuncia contra o fascismo. O autor usa tons grises, figuras fragmentadas e expresións de dor para representar o caos e a brutalidade da guerra.