España no Século XIX: Da Invasión Napoleónica ás Cortes de Cádiz

A Guerra da Independencia e as Cortes de Cádiz

Antecedentes: Crise do Antigo Réxime e Invasión Napoleónica

A comezos do século XIX, o rei de España era Carlos IV, quen deixaba o goberno en mans de Manuel Godoy. Este tiña unha ideoloxía afrancesada e convenceu ao rei de asinar o Tratado de San Ildefonso (alianza España-Francia).

Durante estes anos, se recordamos, o Imperio Napoleónico sufrira a súa primeira derrota significativa: a Batalla de Trafalgar. Esta derrota provocou que Napoleón lle declarase a guerra a Gran Bretaña. Como Gran Bretaña era un país moi poderoso, Napoleón decidiu tentar conquistar Portugal.

Para esta conquista, Napoleón asinou con España o Tratado de Fontainebleau, que permitía o paso das tropas francesas por España. Estas tropas ocuparon algunhas cidades españolas, provocando un gran descontento que desembocou no Motín de Aranxuez, no cal Carlos IV abdicou en Fernando VII.

Napoleón, aproveitando os problemas familiares, fixo que Carlos IV e Fernando VII viaxasen a Baiona e lles obrigou a abdicar no seu irmán: Xosé Bonaparte.

O Conflito: A Guerra da Independencia (1808-1814)

En canto á Guerra, comezou cunha sublevación popular o 2 de maio de 1808. Durante esta guerra enfrontáronse os afrancesados (partidarios da monarquía constitucional de Xosé I) e os fernandinos (partidarios do retorno do trono a Fernando VII).

A Guerra da Independencia caracterizouse por ser unha guerra de guerrillas, é dicir, unha guerra na cal a poboación se organizou en pequenos grupos populares que loitaron contra un exército institucionalizado.

Para organizar esta resistencia, formáronse Xuntas nas principais cidades. Para coordinar estas Xuntas, formouse a Xunta Central Suprema, que convocou as Cortes de Cádiz en 1810.

As Cortes de Cádiz e a Constitución de 1812

Nestas Cortes elaborouse a Constitución de Cádiz de 1812, coñecida popularmente como "La Pepa". Foi a primeira constitución de España e supuxo o fin do Antigo Réxime, establecendo principios fundamentais como:

• A soberanía nacional (o poder reside na nación a través dos seus representantes).
• A monarquía hereditaria.
• A división de poderes (lexislativo, executivo e xudicial).
• A relixión católica como única oficial.

O Fin da Guerra e a Restauración

Finalmente, a guerra foi gañada polas forzas conxuntas (exército regular e guerrillas) que permitiron a volta de Fernando VII.