Funciones da sangue, linfa, dixestión e excreción: guía

Funcións do Sangue, Linfa, Dixestión e Excreción: Guía Completa

O sangue realiza tres funcións: transporte, defensa e regulación. Transporta diferentes substancias: substancias nutritivas, restos metabólicos, osíxeno, dióxido de carbono e hormonas. Defensa: o sangue alberga e transporta as células encargadas da defensa do organismo. Regulación térmica: o sangue intervén na regulación da temperatura corporal ao conducir a calor dende os órganos que o producen, como o fígado ou os músculos, cara ao resto do corpo.

Composición do Sangue

Plasma: É un líquido amarelado composto nun 90% auga, nel atópase: proteínas, nutrientes, gases, sales minerais e hormonas.

Hai tres tipos de células sanguíneas: glóbulos vermellos, brancos e plaquetas.

• Glóbulos vermellos ou eritrocitos: son pequenas células sen núcleo que están encargadas dunha proteína denominada hemoglobina que lle da cor vermella ao sangue.
• Glóbulos brancos ou leucocitos: son células grandes con núcleo que realizan funcións defensivas contra as infecións.
• Plaquetas ou trombocitos: son fragmentos celulares sen núcleo involucrados nos procesos de coagulación do sangue.

A Linfa e o Sistema Linfático

A linfa: líquido orgánico de cor abrancazada composto principalmente por linfocitos, que circula polos vasos linfáticos e serve de intermediario entre o sangue e as células para a alimentación destas. O sistema linfático encárgase de recoller o exceso de líquido que queda entre as células e devolvelo ao sangue.

Componentes do Sistema Linfático

• Capilares linfáticos: son pequenos vasos cegos moi finos presentes en todos os tecidos e encárganse de recoller o líquido intersticial, a linfa.
• Vasos linfáticos: son parecidos ás veas, os vasos linfáticos desembocan no sistema circulatorio e aí verten o líquido que conteñen, e no seu interior hai unhas válvulas que impiden o retroceso da linfa.
• Ganglios linfáticos: son pequenos ensanchamentos que aparecen ao longo dos vasos linfáticos, e son abundantes nas axilas, nas ingles e no pescozo.

O Aparato Dixestivo e a Dixestión

O aparato dixestivo encárgase de extraer dos alimentos as substancias nutritivas nun proceso denominado dixestión, estas pasan ao torrente sanguíneo para chegar a nutrir a todas as células do organismo.

Etapas da Dixestión

• Inxestión: os alimentos introdúcense no tubo dixestivo a través da boca.
• Dixestión: é o proceso polo que se disgregan as moléculas moi grandes noutras máis sinxelas que o organismo si pode asimilar.
  • Mecánica: mediante este tipo de dixestión tritúranse ou remóvense os alimentos e realízase na boca e no estómago.
  • Química: consiste na transformación dos alimentos en substancias nutritivas a través de cambios químicos realizados polos enzimas dixestivos.
• Absorción: é o proceso polo que os nutrientes obtidos durante a dixestión atravesan o tubo dixestivo para chegar ao torrente sanguíneo.
• Exección: é o proceso mediante o que se expulsan ao exterior as substancias que non se dixiren.

A Excreción e o Aparato Urinario

A excreción consiste en eliminar as substancias de refugallo producidas no metabolismo celular. O aparato urinario é un dos aparatos encargados da excreción.

Compoñentes do Aparato Urinario

• Riles: son dous órganos con forma de faba situados na parte posterior do abdome.
• Urina: desprázase dende os riles ata a vexiga polos uréteres. Dende a vexiga, a urina sae ao exterior pola uretra. A vexiga acumula a urina e pode conter un máximo de 1,5 litros.