Historia di Moneda di Antes na Kòrsou: Di Siglo XVIII te Siglo XX

Moneda di Antes na Kòrsou

Durante Di Dos Guera Mundial, Hulanda tabata okupá pa e alemannan i Kòrsou tabatin miedu pa e moneda hulandes devaluá. E mando na Kòrsou a laga traha na aña 1944 e promé monedanan manera nos konosé aworakí. E teksto tabata "Munt van Curaçao". Despues, a kambi’é pa e inskripshon "Nederlandse Antillen".

Promé ku 1944 tabata usa sèn hulandes i algun moneda ku e teksto "Kolonie Curaçao". E mitar sèn tabata hulandes; nunka no a traha mitar sèn ku e nòmber di Kòrsou riba dje.

Moneda na Final di Siglo XVIII

• Zilveren piaster = peso = patientje = Spaanse mat = Spaanse daalder = pilaardaalder.
• E peso menshoná ariba tabata bal 8 real òf 48 stuiver.
• 1 real tabata bal 1 schelling, kual tabata bal 6 stuiver.
• Moneda di oro spañó: kwadrupels = gouden onzen = dubloenen (a bal 16 matten, meskos ku ƒ40.-).
• Moneda di Portugal: Johannes di oro. Su balor tabata 7½ mat òf 18¾ florin.
• Pataka = 62½ sèn (tambe e promé sèn di papel na Kòrsou).

Na sèn chikí tabatatin:

• Schelling di Dinamarka yamá tolfschelling, yamá real tambe.
• Stuivers òf plak den forma di 2 skelling bieu, deux-sous (= Cayenne-stuiver) i tambe stuberstuknan di Alemania.

Moneda Usá den Komienso di Siglo XX

• ½ cent: mitar sèn
• 1 cent: sèn chikí
• 2½ cent: plaka
• 5 cent: stuiver = dos plaka = locha = zepelin = skapadepchi
• 10 cent: depchi
• 15 cent: ria
• 25 cent: dies plaka
• 50 cent: yotin, goerdijn (guillotin)
• ƒ1.-: heldu, florin (1 florin di papel tabata yamá courant i "sobrekama")
• ƒ2.-: patin
• ƒ2.50: fuerte, dolá
• ƒ10.-: 10 heldu na oro
• Chilin: 62½ sèn
• ... sèn: yamá dogostenchi tambe

Ekspreshonnan di un Montante di Sèn

• Seissuria: 90 sèn
• Doreadosplaka: 35 sèn
• Pataka: ƒ1,20 (segun Frater Brenneker, Sambumbu) / chilin = 62½ sèn (Ekstra, 1 di febrüari 2010)
• Mei fuerte: ƒ1.25
• 15 cent: ria

Skarsedat di Sèn i Solushonnan Gobernental

E fluho di sèn ku tabata sali for di Kòrsou bai afó tabata un gran problema. Esaki a trese skarsedat di sèn na Kòrsou i a stroba komersio. Pa purba resolvé e skarsedat aki, e gobernantenan a tuma diferente medida:

• Na 1798: Gobernador Lauffer a laga kòrta (kap) 7.000 pilaardaalders na 4 pida.
• Na 1815: Gobernador Changuion a laga kòrta un kantidat di 8.000 peso den 5 pida.
• Na 1838: A laga kòrta 6.000 florin hulandes na 4 pida. Kada pida tabata wòrdu yamá yotin kòrtá.
• Na 1899: A introdusí monedanan di 10 sèn i 25 sèn propio di Kòrsou. Komo ku nan tabata bálido solamente na Kòrsou, e sèn a keda sirkulá riba e isla mes.

Moneda di Oro: E Morokota

Un moneda di $20 tabata yamá morokota. E moneda aki tabatin paresido na un piská di e riunan venezolano ku tin e mesun nòmber ei. Ta e venezolanonan na Kòrsou tabata yam’é asina.

Galeria di Monedanan i Biyetenan Históriko