Clara Campoamor eta Emakumeen Boto Eskubidea

Testuaren Kokapena

• Dokumentu hau lehen mailako iturri bat da: Clara Campoamorrek, Alderdi Erradikaleko diputatu gisa, 1931ko irailean Gorteetan emandako hitzaldi baten pasartea da.

• Informazio-testu bat da, Campoamorrek emakumeen botoaren aldeko argudioak azaldu nahi dituena.

• Testu politiko bat da, funtsezko eskubide politiko bati erreferentzia egiten baitio.

• Testu publikoa da, jende guztiarentzat idatzia, batez ere gizonezko diputatuentzat.

Testuaren Azterketa

• Dokumentuaren ideia nagusia emakumeen boto-eskubidea aldarrikatzea da.

• Lehenik, desberdintasuna gaitzesten du emakumeen eta gizonen artean.

• Bigarrenik, sortu berri den Errepublikak emakumearen defentsaren alde hasitako bidea goretsi egiten du (1931ko maiatzaren 8ko dekretuak emakumeak diputatu gisa hautatuak izateko bidea ireki zuen).

• Hirugarrenik, Espainia konstituzioan eskubide hori jasotzen duen lehen herrialde latindarra bilakatuko zela azpimarratzen du.

Testuingurua

• Bigarren Errepublikako Lehen Biurtekoan aplikatutako neurri erreformista garrantzitsuenetako batzuk emakumeei buruzkoak izan ziren: diputatu gisa hautatuak izateko eskubidea, eta hiru emakume hautatu zituzten Gorteetarako:

  • Clara Campoamor.

  • Victoria Kent.

  • Margarita Nelken.

• Boto-eskubidea, 1931ko Konstituzioan aitortua, eta dibortzio-legea (1932).

• Hitzaldi bikaina eman arren, Clara Campoamorrek erresistentzia gogorra aurkitu zuen neurria onartzeko orduan.

• Ezkerreko errepublikanoak eta errepublikano katalanak bere kontra zeuden; sozialista gehienak, berriz, alde.

• Campoamorren aurkarien artean, Victoria Kent diputatu errepublikanoa zegoen: hura feminista zen, baina boto-eskubidearen aurka zegoen.

• Azkenean, boto-eskubidea onartu zen Gorteetan, eta 36. artikuluan jaso zen.

Testuaren Garrantzia

Clara Campoamorren hitzaldian egiten den aldarrikapenak "zaharra" dirudien arren gaur egun, garai haietan nobedade bat izan zen, modernotasun-ikur bat. Neurri horren alde egin zuen defentsa-lanari esker, emakumea politikaren agertokian jarri zuen, gizonen maila berean. Horregatik, Espainiako feminismoaren historiako mugarri bat da.