Entrenamendu Metodoak, Testak eta Indar Motak

Entrenamendu metodoak

• Etenekiko entrenamendua: Esfortzu errepikapenean oinarrituta. Luzerak: 100 eta 400 metro bitartekoak. Errekuperazioa: Osoaren 2/3ak (120 t/m). Ekintza aktiboa (trostan, oinez...).
• Erritmo-erresistentzia: Erritmo bizkorrean egindako errepikapenak, potentzia aerobikoa lantzeko.
• Abiadura-erresistentzia: Erresistentzia anaerobikoa lantzeko erabiltzen da. Intentsitatea: %85-95.
• Zirkuituko entrenamendua: Hainbat geltokiz osatutako ibilbide batean oinarritutakoari deritzo. Geltoki bakoitzean ezaugarri ezberdinetako ariketak dira, espazio edo/eta ariketa ezberdinetan oinarrituta (Adibidez: 10 ariketa, 4 bira...).

Testak

• Cooper-en testa: Erresistentzia aerobikoaren berri jasotzeko balio duen test sinplea.
• Course navette testa: Potentzia aerobiko gorena ezagutzeko baliagarria den test progresiboa.
• Rufier testa: Hanketako flexio batzuk eginez, taupadak momentu ezberdinetan hartuta eta formula bat aplikatuz, lortzen dugun indizeak adieraziko digu erresistentzia maila.
• Distantzia ezberdinak eginez: 300, 1000, 1500, 2000 m...

Indarra

Gihar uzkurduraren bidez, kanpoko erresistentziaren kontra jarduteko gizakiok dugun ahalmena.

Uzkurdura motak

• Uzkurdura isotonikoa: Mugimendua burutzen duen giharren laburtzapen edota luzapena gertatzen denekoa da.
  • Zentrokidea: Giharren luzera txikitzen da (mugimendu azelerazioa).
  • Eszentrikoa: Giharren luzera handitzen da (desazelerazio edo galdaketa).
• Uzkurdura isometrikoa: Giharrak mugitzen ez den pisua edo objektu baten aurka indarra egiten duenean gertatzen da (estatikoa).
• Uzkurdura auxotonikoa: Isometrikoa eta isotonikoa. Hasieran isotonikoa, amaieran isometrikoa (goma gogor batetik tiratzean, arku jaurtiketa).

Indar motak

• Indar gorena: Karga maximoaren kontra lor dezakegun borondatezko uzkurdura gorena da (harri-jasotzaileak).
• Abiadura-indarra: Kanpoko erresistentzia gainditzerakoan abiadura handieneko uzkurdura egiteko ahalmena (atletismoko jauziak).
• Erresistentzia-indarra: Erresistentzia txiki edo ertain baten kontra indar lanean irauteko ahalmena da (txirrindulariak).