Industriaren bilakaera eta ezaugarriak

Industria: definizioa eta ezaugarriak

Industrian natura-baliabide bat, hots, lehengaia, produktu landu bihurtzea xede duten jarduera guztiak sartzen dira. Bigarren sektoreko ekonomia-jarduera garrantzitsuena da.

• Eraldatze-prozesuan makinak eta energia erabiltzen dira.
• Eremu itxietan egiten da (fabriketan).
• Langile askok egiten dute lan (industria-langileak).
• Produktuak kantitate handitan ekoizten dira.

Industria garapenarekin oso lotuta dago.

Industriaren sorrera

Lehen industria-iraultza XVIII. mende bukaeran hasi zen Ingalaterran. Ekoizpen-modu hori honetan oinarritzen zen:

• Berrikuntza teknikoak.
• Lanaren banaketa.
• Eskala handiko ekoizpena.

Industrializazioaren eraginez, hiriak asko handitu ziren. Landako herritar asko hirietara joan ziren fabriketan lan egitera; ondorioak sakonak izan zirenez, industria-iraultza esaten diogu prozesu horri.

Industrializazioaren bigarren fasea

Estatu Batuetan, XIX. mende amaieran, industrializazioaren beste fase bat hasi zen. Ekoizpen-modu berri bat ageri zen: Ford-en eredua. Ford automobil-fabrikako muntaia-katean garatu zelako esaten zaio; eredu hori kate-ekoizpenean oinarritzen zen.

Sistema horren bidez ekoizpena asko handitu zen eta murriztu egin ziren ekoiztutako unitate bakoitzeko gastuak. Horri esker, produktuen prezioak behera egin zuen eta horrela hasi zen masa-kontsumoaren aroa. Estatu Batuak eta Japonia izan ziren horren buru.

Industria motak

• Garapen teknologikoaren arabera: industria helduak eta puntako teknologiako industriak bereizten dira.
• Produktuen helburuaren arabera: oinarrizko industriak, ekipo-ondasunen industriak eta kontsumo-ondasunen industriak.

Gaur egungo industria-sistema

• Teknologia eta industria berrien garapena.
• Kontsumitzaile bakoitzaren gustuak asetzea.
• Ekoizpen-sistema malgua, automatizatua eta oso espezializatua.
• Suspertzen ari diren herrialdeak industria-garapenean sartu dira.

Ikerketaren garrantzia

Gaur egun, industria-enpresek beren kapitalaren ehuneko handi bat gordetzen dute ikerketa eta berrikuntza teknologikorako (IGB). Bi berrikuntzak goitik behera aldatu dute XXI. mendeko industria:

• Material berriak bilatzea.
• Nanoteknologia garatzea.

Ekoizpenaren deszentralizazioa

Ekoizpenaren faseetako bat edo enpresako jardueraren bat beste norbaiten esku uztean datza. Hiru modutan egin daiteke:

• Enpresak zenbait lurraldetan koka ditzake industria-ekoizpenaren faseak.
• Beste enpresa batzuk azpikontrata ditzake.
• Lankidetza-hitzarmenak egin ditzake beste enpresekin.