Métodos anticonceptivos e ciclos reprodutores femininos

Métodos anticonceptivos

Os métodos anticonceptivos son os mecanismos que utilizan os seres humanos para evitar que se produza o desenvolvemento embrionario.

Tipos de métodos anticonceptivos

Os métodos naturais

• Método Ogino: estuda os ciclos menstruais ao longo do ano para calcular aproximadamente o día da ovulación.
• Control de temperatura corporal: consiste en tomar a temperatura diariamente en xaxún e sen realizar ningún exercicio físico para predecir o día da ovulación.

Os métodos artificiais

• Métodos de barreira: impiden a entrada do seme no útero. Os máis comúns son o preservativo e o diafragma. O preservativo, ademais de ser un método anticonceptivo, evita as enfermidades de transmisión sexual.
• Métodos hormonais e químicos: son medicamentos que inhiben a ovulación ou matan os espermatozoides, como por exemplo a pílula ou os espermicidas.
• Inhibidores de implantación: impiden a implantación do embrión. Os máis comúns son o dispositivo intrauterino (DIU) e a pílula do día despois.
• Métodos cirúrxicos: son técnicas de esterilización. No caso das mulleres, a técnica empregada é a ligadura de trompas e, nos homes, a vasectomía. Estes métodos son máis seguros que os naturais.

Ciclos de ovario e útero

Durante os 28 días que dura o proceso de maduración dos óvulos, os ovarios e o útero producen unha serie de cambios coñecidos como ciclos ovárico e uterino.

1. Crecemento de folículos

O folículo crece durante uns 14 días. Ese movemento produce a ovulación, é dicir, o folículo achégase á parede do ovario e libera o óvulo na trompa de Falopio.

2. Formación do corpo lúteo

Tras a ovulación, o resto do folículo transfórmase nunha masa de células chamada corpo lúteo. Se non hai fecundación, este dexenera e iníciase un novo ciclo.

O ciclo do útero e a menstruación

O ciclo do útero é a transformación que sofre a parede interna deste órgano, chamada endometrio. Consta de tres fases:

• Menstruación: ao inicio do ciclo, o endometrio, que está moi groso e vascularizado, despréndese e é expulsado a través da vaxina con sangue.
• Rexeneración: á metade do ciclo, o endometrio que se perdeu coa menstruación rexenera.
• Engrosamento: o endometrio engrósase e vascularízase para que, se o óvulo é fecundado, poida producirse o desenvolvemento do embrión.

Regulación hormonal dos ciclos

Os ciclos ováricos e do útero están regulados por hormonas:

• A hormona FSH, segregada pola hipófise, estimula o crecemento do folículo e a produción de estróxenos.
• A hormona LH provoca a ovulación arredor do día 14.
• Tras a ovulación, o corpo lúteo segrega estróxenos e progesterona, que promoven o engrosamento do endometrio e inhiben a segregación de hormonas pola hipófise.

O parto

O parto é o proceso mediante o cal o novo ser é expulsado fóra da nai e comprende tres fases: dilatación, expulsión do feto e expulsión da placenta.

Formación dos óvulos

A formación dos óvulos divídese en dúas etapas: a etapa embrionaria (onde se forman os folículos) e a etapa a partir da puberdade (onde se produce a ovulación ata a menopausa).

A esterilidade

A esterilidade é a imposibilidade de ter fillos.

Causas da esterilidade masculina

Produción insuficiente de espermatozoides, baixa mobilidade ou obstrución dos condutos deferentes.

Causas da esterilidade feminina

Obstrucións nas trompas de Falopio, trastornos na ovulación por desequilibrios hormonais ou problemas no útero.