A política de produto e a súa influencia no mercado

Produto: é todo aquelo que pode ser ofrecido nun mercado para satisfacer un desexo ou unha necesidade, non só consideramos produto os bens ou obxectos físicos senón tamén os servizos, ideas, persoas, etc.

O conxunto de decisións que se toma sobre o produto é o que se denomina política de produto e nela destacan as seguintes: As decisións que tomamos sobre a carteira de produtos: debemos decidir o número de liñas que nos dará a amplitude da carteira, o número de referencias de cada liña que nos dará a lonxitude e o número de variantes que nos dará a súa profundidade. As decisións que tomamos sobre o envase: o envase cada vez é máis importante na medida en que o produto se vende só, polo que debe ser atractivo, transmitir unha imaxe positiva e poder ser utilizados para outras funcións. As decisións que tomamos sobre a etiqueta: estas deben identificar ao produto, facelo desexable ademais deben seguir a normativa establecida ao respecto. As decisións que tomamos sobre a marca: é dicir produto ampliado que é o conxunto de características que ten un ben, produto ampliado que son aqueles valores que engadimos ao produto como a garantía e o produto simbólico que son os atributos que esperamos atopar nos produtos que non forman parte del en si pero co tempo se consolidan.

A marca: defínese como o nome, o logotipo e o símbolo que identifican ao produto e o diferencia dos competidores. Con relación á marca a empresa pode adoptar distintas estratexias: Marca única: consiste en utilizar a mesma marca para todos os produtos. Marca múltiple: consiste en empregar unha marca distinta por cada produto que se comercializa. Marca branca: consiste en que os produtos leven a marca do que os distribúe e non do que os produce.

O ciclo de vida do produto: Lanzamento: o produto é novo e non se coñece o cal orixina vendas reducidas e elevados gastos para daro a coñecer. Esta etapa caracterízase pola ausencia de beneficios e porque se levan a cabo importantes acontecementos de promoción.

Crecemento: o produto comeza a coñecerse e aumentan as vendas pero na medida en que aumentan as vendas e o produto comeza a ter éxito aparece a competencia, nesta etapa a empresa comeza a ter beneficios. Madurez: é a etapa caracterizada pola estabilidade posto que as vendas e os beneficios consolidan e estabilízanse e para manter esta etapa deben de innovar. Declive: esta etapa caracterízase porque as vendas e os beneficios caen e o produto non interesa non obstante podemos ser a única empresa en manter o produto e aínda así ter beneficios.

Prezo: é a cantidade de diñeiro que recibe o vendedor a cambio de entregar ou prestar un servizo e desde o punto de vista do comprador a cantidade de diñeiro que entrega para acceder ao produto. Estratexias sobre prezos: Estratexia de prezos diferenciais: consiste en vender un mesmo produto con prezos diferentes segundo o consumidor. Estratexia de prezos psicolóxicos: nesta estratexia atópanse os prezos máxicos así como aqueles prezos de artigos como de costume non varían aínda que si poden cambiar outros factores. Estratexia de prezos para unha liña de produto: consiste en vender un produto económico e os seus accesorios caros é o que se denomina prezos cautivos e tamén debemos mencionar os prezos en dous componentes.

Promoción ou comunicación: ten tres finalidades básicas: informar, persuadir e recordar.

Poden levarse a cabo accións ou campañas de comunicación con obxectivos parciais concretos tales como: Creación de imaxe: moitos produtos non só se adquiren polas súas características senón pola imaxe que teñen deles, como a roupa de Adolfo Domínguez que poñen énfase na creación de impresións tales como prestixio, posición social, etc. Diferenciación do produto: considérase que o produto dunha empresa está diferenciado respecto aos demais da mesma industria cando ante o mesmo prezo os compradores expresan unha preferencia ou desgusto por dito produto. Posicionamento do produto ou da empresa: trata de ubicar ou reubicar o produto ou empresa no mercado.

Para levar a cabo a política de comunicación levanse a cabo: Publicidade. Promoción de vendas: é o conxunto de incentivos xeralmente a curto prazo deseñados para estimular rapidamente a compra de determinados bens ou servizos. Forza de vendas: está formada por todo aquelo comerciais que tratan de vender o produto nos puntos de vendas. Relacións públicas e patrocinio: é o conxunto de actuacións coas que se busca achegar as actividades e opinións do público aos obxectivos da empresa.