Argumentación e Textos Prescriptivos: Elementos, Tipos y Lenguaje en Galego

A argumentación: 1. A argumentación e os seus elementos. A argumentación é un tipo de discurso que ten como finalidade defender unha idea ou unha opinión alegando razóns.

Elementos:

• O obxecto ou tema da argumentación: a tese, que é a opinión que sostén o emisor.
• Os argumentos ou razóns que alega o emisor.

2. Estrutura da argumentación

Pódense distinguir as seguintes partes:

• Introdución: preséntase o tema.
• Exposición: contén a tese e os aspectos relevantes.
• Argumentación: é a parte esencial do texto, na que se presentan os argumentos.
• Conclusión: resúmense os aspectos máis salientables.

3. Os argumentos

Hai dous tipos:

• Argumentos racionais: basean-se no razoamento que permite valorar e analizar os feitos con obxectividade.
• Argumentos afectivos: basean-se nas emocións e nos sentimentos que pretenden conmover e persuadir ao receptor por medios non racionais.

Os textos argumentativos:

1. Tipos de textos argumentativos

Os máis importantes son:

Textos administrativos

• Solicitude ou instancia: empregase para solicitar algún servizo da administración.
• Reclamación: empregase para manifestar a queixa perante un organismo.

Textos xornalísticos

• Artigo de opinión: recolle a opinión dunha persoa de prestixio sobre un determinado tema.
• Editorial: recolle a opinión do xornal en que se publica.
• Carta ao director: recolle o punto de vista dun lector.

Textos humanísticos

• Ensaio: é un escrito en que un autor expón as súas ideas sobre un tema de xeito argumentativo.

2. As linguaxes dos textos argumentativos

Na argumentación adoita empregarse a linguaxe subxectiva, coa que o emisor dá a súa opinión. Iso válese de:

• Formas de primeira persoa, expresións de opinión e adxectivos valorativos.
• O uso da primeira persoa do plural e de oracións interrogativas, exclamativas e exhortativas.
• As citas: a alusión á opinión dun experto na materia, denominada argumento de autoridade.
• Conectores lingüísticos específicos, que poden ser:
  • De causa: xa que, porque.
  • De consecuencia: polo tanto, de xeito que.
  • De oposición: así mesmo, pero.

A ARGUMENTACIÓN NOS XORNAIS

1. A argumentación nos medios

Ademais de informar, os medios de comunicación teñen a misión de orientar o público para que interprete os feitos e os acontecementos dun determinado xeito.

Os xéneros xornalísticos argumentativos

Os principais xéneros xornalísticos de carácter argumentativo son:

• O artigo de opinión: é un texto xornalístico argumentativo no que o autor expresa as súas reflexións sobre un tema de actualidade.
• O editorial: é un texto xornalístico argumentativo no que se reflicte a actitude ou a opinión xeral ante unha determinada cuestión.

Outro texto xornalístico é a carta ao director, que ten un carácter argumentativo. Esta ten que ir asinada e aparecer o nome, domicilio, teléfono e número do DNI.

PRESCRICIÓN:

1. Os textos prescritivos

A prescrición é un tipo de discurso que propón guiar ao receptor na realización dunha tarefa. Pódense distinguir dous tipos de textos prescritivos:

• Os textos normativos: código de circulación, normas e leis...
• Os textos instrutivos: regras de xogo, instrucións de uso...

2. Estrutura dos textos prescritivos

Distinguimos dous elementos:

• Meta: é o obxectivo que se pretende conseguir.
• Programa: é a serie de instrucións que conducen á meta proposta.

3. A linguaxe dos textos prescritivos

Busca a obxectividade, a claridade e a precisión. Nestes textos predominan as formas verbais en infinitivo ou imperativo, xunto ás oracións impersoais. Os conectores temporais ou de orde son os máis empregados (en primeiro lugar, a continuación, finalmente).