Historia Contemporánea: Ilustración, Revolución Francesa e Industrial

A Ilustración

Ideoloxía científica e intelectual iniciada en Francia, elaborada pola burguesía na súa loita contra o absolutismo e a nobreza. A principal consecuencia residiu na aparición de diferentes ideas que rompían dogmas e falsas crenzas que se tiñan nese momento, a aparición da Enciclopedia e outros movementos que buscaban promover a razón e o pensamento propio.

O Antigo Réxime e as súas Características

Comprendido entre os séculos XVI, XVII e XVIII, foi un sistema de goberno anterior á Revolución Francesa. Caracterizábase por ser unha monarquía absoluta, dividida en estamentos, cunha economía de autoconsumo e arrendamento de terras dos nobres ao campesiñado. Non existía a separación de poderes.

A Revolución Francesa e as Súas Causas

Foi unha serie de conflictos levados a cabo en Francia que lle puxo fin ao Antigo Réxime, no cal a maior parte dos países occidentais vivían baixo o poder e o dominio de monarquías absolutas.

A Primeira Revolución Industrial e as Súas Causas

Foi o resultado dun conxunto de cambios económicos e tecnolóxicos que deron lugar a unha transformación da economía e da sociedade. Os primeiros síntomas deste cambio déronse en Gran Bretaña a mediados do século XVIII, onde un aumento da produción agrícola permitiu o crecemento sustentable da poboación.

Causas e Consecuencias

• Causas: O aumento da produción de alimentos, o progreso da hixiene e da medicina.
• Consecuencias: Unha redución da mortalidade e un mantemento ou lixeiro aumento da natalidade.
• Nacemento: Comzou en Gran Bretaña a mediados do século XVIII.

O Despotismo Ilustrado

O despotismo ilustrado é un réxime político que caracterizou ao século XVIII, cuxo lema era: "Todo para o pobo, pero sen o pobo". O despotismo ilustrado está enmarcado dentro do absolutismo, pero utilizando as ideoloxías da Ilustración para manter a monarquía absoluta que reinou desde o século XV. Un exemplo claro foi Carlos III de España.

O Liberalismo Económico

É a teoría económica derivada do liberalismo político, xurdida durante a Ilustración no século XVIII. Afirma que a economía da os maiores resultados para a sociedade no seu conxunto cando non hai intervención do Estado.

A Segunda Revolución Industrial

Foi un período de importantes cambios industriais, sociais e económicos xurdidos despois da primeira etapa da revolución industrial, desenvolvidos entre os anos 1870 e 1914.

Factores Clave

• A industrialización e o novo sistema de produción en serie.
• O desenvolvemento do transporte debido á produción de aceiro para ferrocarrís e novos combustibles.
• As novas fontes de enerxía (a principal era o petróleo, que substituiría ao carbón).

Datas Importantes da Historia Contemporánea

• A Primeira Guerra Mundial: Comezou o 28 de xullo de 1914 e rematou o 11 de novembro de 1918.
• A Segunda Guerra Mundial: Comezou o 1 de setembro de 1939 e durou ata o 2 de setembro de 1945.
• A Guerra Civil Española: Comezou en 1936 e rematou en 1939.

A Constitución de 1787 en Estados Unidos

Os novos Estados Unidos de América elaboraron unha constitución escrita en 1787 que:

• Garantía a separación de poderes (lexislativo, executivo e xudicial).
• Estableceu un goberno republicano, cun presidente elixido polos cidadáns e unha estrutura federal do Estado.
• Garantía a liberdade de expresión, de prensa, de reunión e relixión, e o dereito a ser xulgado por un xurado, entre outros aspectos.