Crecemento do Sector Terciario e o Turismo

O Sector Terciario e a Sociedade Postindustrial

Terciarización e Sociedade Postindustrial

Terciarización: Proceso de crecemento do sector terciario. As actividades de servizos son as que producen maior emprego e riqueza nun territorio.

Sociedade Postindustrial: Fase posterior á sociedade industrial onde as claves da economía, denominada polos servizos, son a ciencia, a tecnoloxía e a innovación.

Economía Informal: Aquela que se sitúa á marxe da legalidade porque as empresas non están rexistradas oficialmente, non pagan impostos e teñen empregados sen contrato.

A Muller no Sector Terciario: A proporción de mulleres traballadoras no sector dos servizos é moi alta en case todos os países do planeta.

Causas do Crecemento Económico

• Incremento dos ingresos e mellora do nivel de vida: Provoca un aumento de demanda de todo tipo de servizos financeiros, culturais e de ocio.
• Xeneralización do Estado de Benestar: Pretende o acceso de toda a poboación a servizos públicos como a educación.
• Busca de maior competitividade: As empresas intentan mellorar o seu funcionamento, a través da súa elaboración, calidade, comercialización, etc.
• Desenvolvemento do capital financeiro: Incrementou o número de empresas, bancos e compañías que operan en bolsa.

Clasificación dos Servizos

• Servizos comerciais e de distribución: Alcampo.
• Servizos de poboación: Cines, teatros, bares.
• Servizos empresariais e financeiros: Xestorías, banca, seguros.
• Administración pública e servizos sociais: INEM, Policía Local.

Formas de Localización

• Actividades financeiras e servizos avanzados ás empresas: Concéntranse nas grandes metrópoles, dentro delas nos denominados distritos de negocios (Nova York, Ginza en Toquio...).
• Administración pública e servizos básicos sociais: Son os que están máis dispersos no territorio e case todos os municipios os teñen.
• Comercio e servizos á poboación: Precisan localizarse cerca dos seus clientes e repártense segundo o número de poboación.

Comercio e Transporte

Balanza Comercial e Novas Formas Comerciais

Balanza comercial: Diferenza entre exportacións e importacións nun ano concreto.

• Pequeno comercio familiar e a competencia contra as grandes cadeas de distribución e redes de franquías.
• Proceso de concentración: As empresas controlan as vendas.
• Grandes superficies comerciais: Hipermercados, centros comerciais e parques comerciais.

Transporte

Transporte público: Evita o uso de moitos coches, o cal fai que non se contamine tanto e con isto poida haber máis espazo na estrada.

Sistemas de transporte: O transporte por estrada, o transporte por ferrocarril, o transporte marítimo, o transporte aéreo, o transporte intermodal que son os diferentes sistemas de transporte entre si ou conxuntamente. Tamén poden apreciarse o transporte urbano, privado e público.

Turismo

Turismo: É o desprazamento temporal de persoas que adoitan viaxar por motivos de ocio ou de tempo libre.

Factores que Impulsan o Desenvolvemento Turístico

• Aumento do nivel de vida.
• Melloras no transporte e as comunicacións.
• Ampliación da oferta de aloxamentos.
• Patrimonio natural e cultural.
• Boa comunicación.
• Prezos competitivos.
• Imaxe de seguridade e estabilidade política.

Tipos de Turismo

Turismo de masas nas franxas litorais: Provoca maiores ingresos, xa que a xente vai en busca de sol e praia, polo que se estende por todas as costas onde faga bo tempo.

Turismo de montaña: Apóiase no atractivo das paisaxes e na posibilidade de facer exercicio.

• Escalada e o sendeirismo: A xente gústalle camiñar e visitar as paisaxes que hai no mundo.
• Estacións de esquí: Prodúcese en meses invernais, grazas a esta a xente disfruta dun ocio a través da neve que hai nas montañas.

Turismo urbano:

• Turismo de negocios e reunións: Relacionados cos asuntos laborais.
• Exposicións universais ou internacionais: Son actividades culturais en recintos de ocio con moita afluencia e que intentan atraer ao maior número de persoas.
• Patrimonio histórico: Importancia relixiosa, os monumentos ou por unha combinación diso.
• Parques temáticos: Teñen unha temática central a través do entretemento.