Ramón Otero Pedrayo: Vida y Obra del Patriarca de las Letras Gallegas

Ramón Otero Pedrayo

Características biográficas

• Fillo dunha familia burguesa, liberal e culta.
• Escritor máis prolífico e plural da súa xeración (poeta, dramaturgo, xeógrafo e historiador).
• Entre 1931 e 1933 foi elixido deputado polo Partido Nacionalista Republicano por Ourense.
• Trala Guerra Civil, foi expedientado e expulsado da súa cátedra de instituto.

Obra literaria

Narrativa

Destaca como narrador grazas ás súas novelas e ás múltiples colaboracións en xornais.

Narrativa breve

• Pantelas, home libre: Primeira achega literaria coa que obtén un premio do SEG. Ambientada no rural, introduce dous elementos constantes na súa obra: a identificación do home galego coa paisaxe e unha fidalguía decadente incapaz de asumir os cambios sociais da época.
• O Purgatorio de don Ramiro: Obra de humor macabro.
• Escrito na néboa: Realiza o primeiro retrato xeracional.
• Contos do camiño e da rúa, Entre a vendima e a castañeira, Contos de Santos e Nadal (publicación póstuma).

Narrativa longa

Características principais:

• Supoñen a incorporación definitiva da prosa galega á modernidade.
• Técnicas narrativas: monólogo interior, estilo indirecto libre, alteración da estrutura narrativa e mestura de xéneros literarios.

• Os camiños da vida: Triloxía na que narra a transformación da sociedade rural galega do século XIX mediante o relato da decadencia de dúas familias fidalgas.
• Arredor de si: Retrato da evolución ideolóxica da súa xeración a través do personaxe de Adrián Solovio, quen realiza unha viaxe exterior (Europa) e unha interior na procura da súa identidade.
• Devalar: Obra de protagonista colectivo (Galicia) con técnica innovadora.

Ensaio

Obra ensaística ampla e variada, con Galicia como tema central:

• Ensaio histórico sobre a cultura galega: Síntese do desenvolvemento histórico e cultural de Galicia desde a Prehistoria ata principios do século XX.
• Polos vieiros da saudade: Crónica dunha viaxe.
• O libro dos amigos: Carácter biográfico.

Teatro

Destaca pola súa innovación e a importancia do teatro como elemento normalizador da cultura galega:

• A lagarada: Drama rural vangardista.
• O desengano do prioiro: Sobre a implantación da industria dos cadaleitos.

Poesía

• Bocarribeira: Colección de 65 poemas cuxos temas principais son a paisaxe trasalbesa e o fluír do tempo.