Sobietar Batasuna: NEP, SESB eta Bost Urteko Planak

NEP eta SESBren sorrera

Politika Ekonomiko Berriaren (NEP) ideia nagusia krisiari aurre egiteko merkatu ekonomikora neurri batean itzultzea izan zen.

Ekonomia liberalizatzeko hartutako neurriak

• Landa-eremuan, industria txikietan eta saltokietan jabetza pribatua onartu zen.

• Diru-ekonomia berrezarri eta errublo berria sortu zen.

• Bankuak, industria astuna eta kanpoko merkataritza estatuaren kontrolpean jarraitu zuten.

Emaitza ekonomikoak

• Nekazaritzaren hedapenak gosetea murriztu zuen eta errazionamendua ezabatu egin zen.

• Nekazaritzako eta industriako ekoizpenak gora egin zuen.

Ondorio sozialak

• Nekazari talde aberats bat sortu zen: kulakak.

• Merkatariak nahiz enpresariak aberastu egin ziren.

Sobietar Batasunaren sorrera

1922an: Sobietar Errepublika Sozialisten Batasuna (SESB) sortu zen.

• Osatu zuten herrialdeak: Ukraina, Bielorrusia, Transkaukasia eta Errusia.

1924an: Konstituzioa egin zen.

Boterea: Alderdi Komunistaren esku geratu zen.

Diktadura komunista bermatzeko baliabideak: armada eta polizia politiko beldurgarria.

Iraultzaren eragina nazioartean: Kominternaren sorrera

Leninen iritzia: Gobernu boltxebikeak ezin izango zuela iraun bakartuta geratzen bazen. Horregatik, funtsezkotzat jotzen zuen proletarioen iraultzak munduan arrakasta izatea.

Bost Urteko Planak

Stalinen industria-politikaren helburuak

• Industria astun boteretsua sortzea.

• Independentzia ekonomikoa, teknologikoa eta militarra lortzea.

Helburu horiek lortzeko, gobernuak Bost Urteko Planak diseinatu zituen, bost urtean bete beharreko helburuak ezarriz.

Emaitza: Industria astuna eta armagintza izugarri garatu ziren, baina herritarren bizi-mailaren kontura izan zen, izan ere, kontsumorako ondasunen industria ia ez zen garatu.

Definizioak

Okhrana: Tsarraren polizia sekretua.

Mentxebikeak: Errusiako Langile Alderdi Sozialdemokrataren zatiketaren ondorioz sortutako taldea.

Boltxebikeak: Errusiako Langile Alderdi Sozialdemokrataren zatiketaren ondorioz sortutako taldea. Lenin zen haien buru.

Eseristak: Alderdi Sozialista Iraultzailea ziren. Nekazarien iraultzaren alde zeuden.

Kadeteak: Alderdi Demokrata Konstituzionalista zen, erregimen konstituzionala ezarri nahi zuten.

Kulak: Nekazari aberatsa.

Sobiet: Langileen biltzarra.

Amnistia: Delituaren legezko ahaztea da, egileen erantzukizuna bukatzen delarik.

Koljos: Lurretxe kolektiboak. Lurraren jabetza estatuarena zen. Makinak eta ekoizpena, berriz, koljosaren jabetzakoak ziren.

Purgak: Aurkari politikoak atxilotzeko eta hiltzeko kanpainak.

Soljos: Estatuaren jabetzako landetxe handia, estatuko langileek kudeatua.